Республикӑра тепӗр ҫамрӑк ППЭре 100 балл пухнӑ. Вӑл – Шупашкарти 37-мӗш шкултан вӗренсе тухнӑ Полина Степанова. Полина историпе экзамен тытса 100 балл илнӗ.

Хальхи вӑхӑтра республикӑра 63 ҫамрӑк ППЭре100 балл пухнӑ. Литературӑпа, географипе, химипе – 8, профильлӗ математикӑпа – 16, вырӑс чӗлхипе – 27, физикӑпа тата математикӑпа 8 ҫамрӑк чи нумай балл илнӗ.

Палӑртса хӑвармалла: 5 яш-хӗр икӗ ППЭре 200 балл пухнӑ. Вӗсен йышӗнче Ҫӗнӗ Шупашкарти 18-мӗш лицейри Екатерина Селезнева, Шупашкарти 5-мӗш гимназири Илья Капралов, Патӑрьелти 1-мӗш шкулти Юлиана Паймуллина, Шупашкарти 5-мӗш гимназири Виктория Жирнова.

#вӗренӳ, #Шупашкар, #Ҫӗнӗ Шупашкар, #ҫамрӑксем, #ППЭ