Шупашкар хулин пуҫлӑхӗ пулма урӑх ҫынна шанас пирик сӑмах тухнӑ. Кун пирки «Правда ПФО» тӗнче тетелӗнчи хаҫатра пӗлтернӗ.

Шупашкар хулинчи депутатсен черетсӗр ларӑвӗ ытларикун, ака уйӑхӗн 9-мӗшӗнче, иртӗ. Унта Денис Спирин хӑйӗн кӑмӑлӗпе ӗҫрен хӑтарма ыйтса ҫырнине пӑхса тухма пултарӗҫ. Ҫавӑнтах пушаннӑ вырӑн валли конкурс ирттерессине пӗлтерӗҫ.

Ҫав вӑхӑтрах паянхи кун тӗлне илсен, кун йӗркинче пӗр ыйту кӑна пӑхса хӑварнӑ иккен. Унта Владимир Доброхотов депутатӑн полномичийӗ вӗҫленичченех ӑна дептутаран кӑларас ыйтӑва пӑхса тухӗҫ.

Маларах асӑннӑ ҫӑлкуҫра пӗлтернӗ тӑрӑх, «Дорэкс» акционер обществин пуҫлӑхӗ депутат пуканӗнчен хӑтарма ахальтан мар ыйтнӑ. Малтанласа вӑл Шупашкар хулин пуҫлӑхӗн ҫумӗ пулӗ, депутат вара ҫавӑн пек вырӑнта ӗҫлеймӗ. Спирина отставкӑна ярсан хула пуҫлӑхӗн тивӗҫне пурнӑҫлама тытӑнма пултарӗ.

#тӳре-шара, #пуҫлӑхсем, #ӗҫ вырӑнӗсем, #Шупашкар, #ларусем, #депутатсем