mintrud.cap.ru сӑнӳкерчӗкӗ

Улатӑрта пурӑнакан ватӑ ҫынсем колледжра вӗренеҫҫӗ. Тивӗҫлӗ канури пилӗк кинемей кӑҫал вырӑнти технологи колледжне вӗренме кӗнӗ.

«Пирӗн хамӑра аталантарса пыма яланах май тупмалла. Пенсире те малашлӑха талпӑнмалла, ӑнтӑлмалла. Ҫав шутра ҫӗнӗ профессие те алла илмелле», − теҫҫӗ парта хушшине ларнӑ ватӑсем.

«Пире Зоя Бусоргина опычӗ хавхалантарчӗ. Иртнӗ ҫул вӑл колледжа пиллӗк паллӑсемпе вӗренсе пӗтерчӗ. Вӑл вӗренме пултарнине эпӗ те пултаратӑп тесе хавхалантӑм», — каласа кӑтартнӑ Марина Борискина. Хӗрарӑмӑн амӑшӗ ӗмӗрӗпех ҫӗленӗ. Марина пенсие тухсан ҫав ӑсталӑха алла илес тенӗ.

#ваттисем, #Улатӑр, #вӗренӳ, #колледжсем