t.me/pro_cheby каналти видеоран илнӗ сӑнӳкерчӗк

Ҫӗнӗ Шупашкарта пӗр хӗрарӑм машина ҫине хӑпарса кайнӑ. Автомобиль хулари Никольски микрорайонта ларнӑ.

Асӑннӑ видео тӑрӑх хакласан, малтан вӑл автомобиль тӗкӗрне ватнӑ, унтан машина капочӗ ҫине улӑхнӑ, ун ҫинче сикнӗ, машина чӳречине ватнӑ.

Пӑтӑрмаха курнисем хӗрарӑма лӑпланма ыйтнӑ, вӑл вӗсене хӑйӗн машинипе кирек мӗн тума пултарнине пӗлтернӗ.

Хӗрарӑм хӑйӗн тарӑхӑвне ҫапла сирнине унӑн тусӗ сӑнаса тӑнӑ.

Пӑтӑрмаха курнисем шухӑшланӑ тӑрӑх, хӗрарӑм тепӗр хӗрпе явӑҫса кайнӑ каччине тарӑхнипе ҫапла тавӑрас тесе пултарнӑ. Машинӑна кӑштахран ҫамрӑк арҫын кӗрсе ларнӑ, машинӑна вӑл хускатса кайнӑ.

#машинӑсем, #Ҫӗнӗ Шупашкар