21.мвд.рф сӑнӳкерчӗкӗ

Ӗнер, ҫу уйӑхӗн 10-мӗшӗнче, 2 сехет те 30 минутра Шупашкарта мотоциклист пурнӑҫӗ сарӑмсӑр татӑлнӑ.

38 ҫулти арҫын «Ямаха» мотоциклпа Гладков урамӗпе пынӑ чухне «Фольксваген Поло» автомашинӑпа ҫапӑннӑ.

Йӗрке хуралҫисем малтанласа шухӑшланӑ тӑрӑх, ют ҫӗршывра туса кӑларнӑ автомобиле тытса пынӑ хӗрарӑм тӳрӗ ҫулпа пыракан мотоциклиста ирттерсе яман. Арҫын инкек вырӑнӗнчех куҫне ӗмӗрлӗхе хупнӑ. Сӑмах май каласан, унӑн водитель прави пулман, мотоцикла та кирлӗ пек регистрацилемен.

#Шупашкар, #машинӑсем, #пӑтӑрмахсем, #мотоциклсем