И.Н.Ульянов ячӗлле Чӑваш патшалӑх университечӗн тӗп корпусӗнче «Хусанти 2013 ҫулхи XXVII Тӗнчери ҫуллахи универсида» ятпа ятарлӑ сӑнкуравне уҫнӑ.

Куравра 2013 ҫулхи чи пӗлтерӗшлӗ спорт мероприятине ҫутатса паракан сӑнӳкерчӗкесене курма май пур. Ӗҫсене ятарласа Универсида уҫӑлнӑ вӑхӑталла ҫакнӑ. Унсӑр пуҫне ӗҫсен пӗр пайне университет истори музейӗнче те курма пулать.

Пӗлме, 2011 ҫулхи авӑнӑн 19-мӗшӗнче Чӑваш патшалӑх университетне «Ҫуллахи Универсиада ВУЗӗ — 2013» статуса панӑ. Паяна Тутарстан тӗп хулинче асӑннӑ вӗренӳ учрежденийӗн 90 яхӑн студенчӗ волонтер пулса ӗҫлет.

#куравсем, #универсиада, #Хусан, #ЧПУ, #университетсем