chuvashia.sledcom.ru сӑнӳкерчӗкӗ

Ҫак эрнере Шупашкарти 4-мӗш лицей умӗнче пӗр арҫын ача ҫумне ҫулӑхнине эпир пӗлтернӗччӗ-ха. Ӗнер РФ Следстви комитечӗн Чӑваш Енри управленийӗнче пӗлтернӗ тӑрӑх, халӗ ҫав арҫынна тытса чарнӑ. Вӑл 36 ҫулта, Шупашкартан. Управлени сайтӗнче унтан ытла нимӗн те пӗлтермен.

«Ҫыхӑнура» форумра вара Шупашкарӑн кӑнтӑр-хӗвеланӑҫ районӗнче пӗр арҫын хӗрарӑмсем ҫумне унччен те ҫулӑхнине, вӗсене хӗненине пӗлтернӗ. Арҫын амӑшӗпе пурӑнать, ӑна амӑшӗ хӳтӗлет тесе хыпарланӑ. Арҫын пирки йӗрке хуралҫисене пӗлтернин усси пулман имӗш.

#пӑтӑрмахсем, #Шупашкар, #ачасем, #тӗпчевҫӗсем, #шкулсем