ШӖМ тунӑ сӑн

Шупашкар ҫыннине улталанӑ ют регион арҫыннине тытса чарнӑ. Вӑл - Краснодартан.

Ҫу уйӑхӗн 27-мӗшӗнче Шупашкарти 37 ҫулти арҫын тӳлевсӗр пӗлтерӳсен сайтӗнче ача-пӑча хутӑшӗ туянас тенӗ. Сутуҫӑпа ҫыхӑннӑ та ӑна 12 пин тенкӗ куҫарса панӑ. Кун хыҫҫӑн лешӗ пач ҫухалнӑ.

Шупашкар арҫынни полицие кайса пулӑшу ыйтнӑ. Кун тӗлӗшпе пуҫиле ӗҫ пуҫарнӑ. Краснодар арҫыннине нумаях пулмасть тытса чарнӑ. Унӑн хваттерӗнче 6 телефон, 15 банк картти, нумай симка тупнӑ. 38 ҫулти арҫын айӑпне йышӑннӑ.

#Шупашкар, #ултавҫӑсем, #полици