21.мвд.рф сӑнӳкерчӗкӗ

Ҫурла уйӑхӗн 25-мӗшӗнче Шупашкар районӗнчи Илпеш ялӗ патӗнче ҫул-йӗр патрулӗн инспекторӗсем вӑрмантан тухакан «Хендай-Солярис» машинӑна тӗрӗслеме чарнӑ.

Салонта 44 ҫулти водитель тата 37 ҫулсенчи икӗ пассажир пулнӑ. Сӑнран пӑхсан вӗсем наркотик астивнӗ пек туйӑннӑ. Салонта темле пӗчӗк хутаҫ выртнӑ. Арҫынсем экспертиза тухма килӗшмен, вӗсене ШӖМӗн Шупашкар районӗнчи пайне илсе кайнӑ.

Хутаҫри япалана йӗрке хуралҫисем туртса илнӗ, ӑна экспертизӑна янӑ. Чӗркемре, чӑн та, наркотик пулнӑ.

Арҫынсене пурне те явап тыттарӗҫ, ҫав шутра водителе те.

#Шупашкар районӗ, #Илпеш, #машинӑсем, #пӑтӑрмахсем, #ШӖМ