Чӑваш Енре ҫамрӑк хӗрарӑма шыраҫҫӗ. Вӑл ӑҫта кайнине никам та пӗлмест.

«Лиза Алерт» ҫӑлавпа шырав отрячӗ пӗлтернӗ тӑрӑх, 33 ҫулти Светлана Матвеева юпа уйӑхӗн 1-мӗшӗнче ҫухалнӑ. Вӑл Ҫӗнӗ Шупашкарта пурӑнать. Хӗрарӑм килтен кайнӑ чухне хура куртка, тӗттӗм джинс шӑлавар, шурӑ кроссовка тӑхӑннӑ пулнӑ. Хӑйӗнпе пӗрле хура сумка илнӗ.

Светлана Матвеева 160 сантиметр ҫӳллӗш, ырхан кӗлеткеллӗ. Куҫӗ хура, ҫӳҫӗ те хура. Ун пирки мӗн те пулин пӗлетӗр пулсан, тархасшӑн, тӑванӗсене пулӑшӑр, ҫак номерсемпе шӑнкӑравлӑр: 8 800 700 5452 е 112.

#шыравсем, #Ҫӗнӗ Шупашкар