Чӑваш Енри 19 ҫулти Денис Рощупкина ҫӗршывӑн биатлон енӗпе пӗрлештернӗ юниорсен командине кӗртнӗ. Олимп резервӗсен 2-мӗш спорт шкулӗнче ӑсталӑхне туптакан спортсмен ҫурла уйӑхӗн 25-29-мӗшӗсенче Чехири Нове-Место хулинче иртекен тӗнче чемпионатне хутшӑнӗ.

Нумаях пулмасть вӑл Рыбинск хулинче иртнӗ ӑмӑртӑва хутшӑннӑ. Шӑпах ҫавӑнти кӑтартусене шута илсе ӑна пӗрлештернӗ командӑна кӗртнӗ. Денис виҫӗ чупура та чи вӑйлӑ 10 спортсмен йышне лекнӗ. Вӑл масс-стартра финиша 4-мӗш ҫитнӗ, спринтра вара – 7-мӗш. Суперспринтра вара 6-мӗш вырӑнта пулнӑ.

#спорт, #биатлон, #ӑмӑртусем