worldofmeat.ru сайтри сӑн

Пӗлтӗр республикӑра кашни ӗне пуҫне укҫа панӑччӗ. Кӑҫал та ку йӑлана малалла тӑсасшӑн-мӗн. Анчах тӳре-шара калаҫнӑ тӑрӑх, пӗлтӗрхинчен 100 тенкӗ ытларах тӳлесшӗн. Ҫапла пӗлтерет ЧР Ял хуҫалӑх министерстви.

Ведомство кӑҫал та ӗне усракансене укҫан пулӑшма сӗннӗ. Пӗр ӗнешӗн – 2400, икӗ ӗнешӗн – 3400-шар тенкӗ, виҫӗ тата ытларах ӗнешӗн 4400-шар тенкӗ парасси пирки шухӑшлаҫҫӗ.

Аса илтерер: пӗлтӗр ку виҫе 100 тенкӗ сахалрах пулнӑ. Пӗр выльӑхшӑн – 2300, икӗ выльӑхшӑн 3300-шар тенкӗ, виҫӗ тата ытларах выльӑхшӑн 4300-шар тенкӗ панӑ.

#укҫа-тенкӗ, #тӳре-шара, #выльӑх-чӗрлӗх