drama21.ru сӑнӳкерчӗкӗ

Паян Чӑваш Енри тепӗр артист хисеплӗ ята тивӗҫнӗ. Театр ӳнерне аталантарассине тӳпе хывнӑшӑн, профессири пысӑк ӑсталӑхшӑн, нумай ҫул тӑрӑшса ӗҫленӗшӗн Петр Садовникова «Чӑваш Республикин халӑх артисчӗ» хисеплӗ ят пама йышӑннӑ.

Петр Садовников К.В. Иванов ячӗллӗ Чӑваш патшалӑх академи драма театрӗнче ӗҫлет. Вӑл 1972 ҫулхи чӳк уйӑхӗн 18-мӗшӗнче Етӗрне районӗнчи Лапракасси ялӗнче ҫуралнӑ. 1993 ҫулта Мускаври М.С. Щепкин ячӗллӗ Аслӑ театр училищинчен (институтӗнчен), актер факультетӗнчен, вӗренсе тухнӑ.

Маларах Чӑваш академи симфони капеллин оркестр артистне Екатерина Маркитановӑна тата Ҫеҫпӗл Мишши ячӗллӗ Чӑваш патшалӑх ҫамрӑксен театрӗн артистне Леонид Яргейкина «Чӑваш Республикин тава тивӗҫлӗ артисчӗ» хисеплӗ ят пама _/news/28125.html_|йышӑннӑччӗ__.

#артистсем, #ят-сум, #театрсем, #культура, #Етӗрне районӗ, #Лапракасси, #Мускав