Шупашкар районӗнчи Ҫӗнӗ Тренкасси ялӗнчи спорт лапамне ҫӗнетесшӗн. Ҫавна май Шупашкар район администрацийӗ аукцион ирттересси пирки пӗлтернӗ.

Ҫӗнӗ Тренкасси ялӗнче Ҫамрӑксен урамӗнчи 12-мӗш тата 14-мӗш ҫуртсен хыҫӗнче спорт лапамӗ вырнаҫнӑ. Аукционра ҫӗнтернӗ подрядчикӑн 2021 ҫулхи ҫу уйӑхӗн 15-мӗшӗнчен пуҫласа ҫурлан 31-мӗшӗччен хоккей лапамӗ, минифутболла тата баскетболла вылямалли лапам, ача-пӑча лапамӗ, спорт тренежерӗсен блокне тумалла.

Аукционра малтанхи хака палӑртнӑ: 10 миллион та 748,1 пин тенкӗ.

#аукционсем, #Ҫӗнӗ Тренкасси, #Шупашкар районӗ, #спорт