Патӑрьел районӗнчи инкекре тӑватӑ ҫын вилнӗ. Ҫул ҫинче «Солярис» маркӑллӑ ҫӑмӑл машинӑпа фура ҫапӑннӑ.

Инкек паян ирхи 7 сехет те 15 минутра пулса иртнӗ. А-151 трассӑпа пыракан машинӑсем Патӑрьел районӗнчи Ыхраҫырми тӗлӗнче инкеке лекнӗ. Пӑтӑрмаха 22 ҫулти каччӑ тытса пыракан ҫӑмӑл машинӑпа йывӑр тиевлӗ машина ҫакланнӑ.

Ҫӑмӑл автомобиль водителӗ тата машинӑри икӗ пассажир инкек вырӑнӗнчех вилсе кайнӑ, тепӗр пассажир пурнӑҫӗ пульницӑна ҫитсен татӑлнӑ. Ҫӑмӑл машинӑра 22-24 ҫулсенчи ҫамрӑксем пулнӑ.

Малтанласа шухӑшланӑ тӑрӑх, «Hyundai Solaris» умри транспортран иртес тесе хирӗҫ килекен ҫул ҫине тухнӑ. Унта вӑл фурӑпа ҫапӑннӑ.

#Патӑрьел районӗ, #сывлӑх, #машинӑсем, #инкексем, #водительсем, #Ыхраҫырми, #чир-чӗр