Сӗнтӗрвӑрри районӗнчи Аксарин ялӗнче дамбӑра трактор ҫаврӑнса ӳкнӗ те пӗвене чӑмнӑ. Ҫакна ҫынсем курнӑ, пулӑшма пынӑ. Анчах кабинӑра тракторист пулман. Вӑл ӑҫта? Ӑна шыравпа ҫӑлав службин специалисчӗсем шырама пуҫланӑ.

Водолазсем пӗве тӗпне йӑлтах тӗрӗслесе тухнӑ. Анчах арҫынна тупайман. Вӑл вара инкек вырӑнӗнчен тарнӑ иккен. Трактор ҫаврӑнса ӳксен арҫын кабинӑран хӑй тӗллӗн тухнӑ та вырӑнтан ҫухалнӑ.

Трактора ял ҫыннисем тепӗр трактор пулӑшнипе туртса кӑларнӑ.

#Сӗнтӗрвӑрри районӗ, #Аксарин, #тракторсем