Сайта кӗр | Регистраци | Сайта кӗрсен унпа туллин усӑ курма пулӗ
 +7.0 °C
Ват ҫынтан кулма хушман.
[ваттисен сӑмахӗ]
 

Чӑваш чӗлхи: Чӑваш чӗлхи валли машшин куҫарӑвне ӗҫлеттерсе янӑ

Ӗҫ Интернет лавккана аталантарас енӗпе партнет шыратӑп. Паллашу Zoom урлӑ.
Паллашу Ырӑ кӑмӑллӑ илемлӗ ялти пурнӑҫа килӗштерекен хӗр-хӗрарӑмпа паллашса Ҫемье ҫавӑра...
Сутатӑп Тĕртнĕ(пусма) маска , 100 тенкĕпе сутатăп
Данную новость вы также можете прочитать на Русском языке
Таисия Ташней 24.12.2019 12:57 | 623 хут пӑхнӑ
Чӑваш чӗлхи

Хастар ҫынсен пӗр ушкӑнӗ чӑваш чӗлхин машина куҫарӑвне ӗҫлеттерсе янӑ. Вӑл пулӑшнипе текстсене чӑвашларан вырӑсла, вырӑсларан чӑвашла куҫарма пулать. Сайт http://translate.chv.su адреспа вырнаҫнӑ. Машина куҫарӑвне юлашки вӑхӑтра анлӑ сарӑлнӑ нейрон алгоритмӗ ҫине таянса йӗркеленӗ.

Чӑваш чӗлхин машина куҫарӑвне хатӗрлекенсем пӗлтернӗ тӑрӑх, проект хальлӗхе альфа-тест мелпе ӗҫлет. Тепӗр майлӑ каласан, ӑна хальлӗхе 100 проценчӗпех ӗҫлеттерсе ярайман-ха. Кӑлтӑк тупӑнсан ытлашши хурласа пӗтерме васкар мар. Ӳлӗмрен текстсен пахалӑхӗ те лайӑхланӗ, куҫару хӑвӑртлӑхӗ те. Сайта практика тӗслӗхӗсене пухас тӗллевпе ӗҫлеттерсе янӑ. Машина куҫарӑвӗн авторӗсем куҫарусене хаклама тата тӳрлетнӗ текстне пӗлтерме ыйтаҫҫӗ.

Чӑваш чӗлхин машина куҫарӑвӗн пахалӑхне 24 BLEU шайпа танлаштараҫҫӗ. BLEU — куҫару шайне хакламалли виҫе. Вӑл 0-рен пуҫласа 100 таран пулать. 100 пӗтӗмпех пӗр килекен куҫару тенине пӗлтерет, 70 — профессилле куҫаруҫӑсемпе танлашни. Google тата Яндекс сайтсенче вырӑсларан акӑлчанла куҫарнине 35 BLEU шайӗнче хаклаҫҫӗ. Чӑваш чӗлхин машина куҫарӑвӗ, ав, халех — 24 BLEU.

Чӑваш чӗлхин машина куҫарӑвне ӗҫлеттерсе янӑ хастарсен йышӗнче — Чӑваш халӑх сайчӗн тӗп редакторӗ Николай Плотников (вӑл — проект ертӳҫи, сайта йӗркелекенӗ, сервера администрацилекенни, текстсене сканерлаканни); «Яндекс» тытӑмӑн шырав пайӗн ӗҫченӗ, Чӑваш Енре ҫуралнӑ Александр Антонов (чӑвашла-вырӑсла тата вырӑсла-чӑвашла куҫарӑва нейрон алгоритмне тӗпе хурса вӗрентекенӗ, чӑвашла тата вырӑсла текстсен мӑшӑрӗсене хатӗрлекенӗ); чӑваш тексчӗсене сканерланӑ хыҫҫӑн корректура йӑнӑшӗсене тӳрлетекенӗсем: Светлана Трофимова, Алина Иванова, Эрбина Портнова, Оксана Антонова тата ыттисем. Хӑш-пӗр текста авторсем хӑйсем панӑ, вӗсен хушшинче — Владислав Николаев, Галина Матвеева.

#ҫӗнӗлӗх, #тӗнче тетелӗ, #чӑваш чӗлхи, #чӑвашлӑх

Хыпар ҫӑлкуҫӗ: http://translate.chv.su
 

Ҫавӑн пекех пӑхӑр

Акӑлчансен мультфильмне чӑвашла куҫарнӑ
2019, 01, 17
Чӑваш чӗлхин историллӗ фонетикине акӑлчанла пичетлесе кӑларнӑ
2019, 01, 29
Чӑваш блогерӗ чӗлхе йывӑр тесе хаҫат-журнал сайра вулать
2019, 04, 04
Чӑваш чӗлхи кунӗ умӗн флешмоб иртӗ
2019, 04, 19
Чӑваш халӑх сайчӗ 14 тултарчӗ!
2019, 09, 07

Комментари:

Микулай Павловски // 5326.5.3484
2019-12-25 16:56
Маттурсем, паттӑрсем!
Анонимла // 3916.24.8788
2019-12-26 11:12
Маттурсем-ха. Тӳрлетнӗ хыҫҫӑн та ҫав сӑмах ҫӗнӗрен йӑнӑшпах тухать. Тӳрлетнине мӗнле ҫирӗплетмелле?
пӗр ҫынни // 9368.2.4748
2019-12-27 00:52
Чӑваш чӗлхине куҫару кирлӗ-и?
Çавсӑрӑн лайӑхрăх. Пирӗн чӗлхе никам та ӑнланаймасть, ҫавӑнпа ӗнтӗ пирӗн калаҫÿсем ют халӑхнӗ шифр пек пулаҫҫӗ.
Вара каласан унта пӗтӗм куҫарусем питӗ начар куҫараҫҫӗ.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Ытти чӗлхесем

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org