Www.cap.ru сайтри сӑнӳкерчӗк

Чӑваш автономи облаҫне йӗркеленӗренпе 100 ҫул ҫитнӗ тӗле пирӗн республикӑра альбом кӑларӗҫ. Паян, ҫурла уйӑхӗн 14-мӗшӗнче, ҫавӑн пирки ЧР Министрсен Кабинечӗн Ертӳҫи Иван Моторин (сӑнӳкерчӗкре) хушу кӑларнӑ.

Чӑваш Енӗн влаҫ органӗсен официаллӑ порталне вырнаҫтарнӑ документра каланӑ тӑрӑх, ӗҫлӗ ушкӑна йӗркелессишӗн тата ытти енӗпе пулӑшса тӑрассишӗн республикӑн Цифра аталанӑвӗн, информаци политикин тата массӑллӑ коммуникацисен министерстви яваплӑ.

Ӗҫлӗ ушкӑн ертӳҫи — ЧР Министрсен Кабинечӗ Ертӳҫин ҫумӗ – сывлӑх сыхлав министрӗ Владимир Викторов. Ертӳҫӗн ҫумӗсем — ЧР цифра аталанӑвӗн, информаци политикин тата массӑллӑ коммуникаци министрӗ Михаил Анисимов тата экономика аталанӑвӗн, промышленноҫӑн тата суту-илӗвӗн министрӗ Павел Иванов.

#Информаци политикин министерстви, #йышӑнусем, #юбилейсем, #ушкӑнсем, #культура