Следовательсем тӗпчесе пӗлнӗ тӑрӑх, кӑҫал ҫӗртме уйӑхӗн 25-мӗшӗнче каҫхине Шупашкарти Гастелло урамӗнчи ҫуртсен картишӗнче 20 ҫулти хӗре вӗлернӗ. Ҫак тискер ӗҫе тума пултарнӑ ҫынна тытса чарнӑ. Вӑл – 16 ҫулти хӗр.

Следстви пӗлтернӗ тӑрӑх, ҫав каҫхине вӑл пӗлӗшӗн пӗрле пурӑнакан 20 ҫулти хӗрӗпе хирӗҫсе кайнӑ та ӑна ҫӗҫӗпе чикнӗ. Лешӗ ҫавӑнтах сывлама пӑрахнӑ.

Халӗ следовательсем ӗҫ-пуҫа уҫӑмалатас тесе суд экспертизисем ирттереҫҫӗ. Пуҫиле ӗҫе малалла тӗпчеҫҫӗ.

#пӑтӑрмахсем, #Шупашкар