Красноярскри чӑвашсен наципе культура автономийӗн ертӳҫи Геннадий Храмов вырӑнти Ӗҫ тата килӗшӳ керменӗн иртнӗ ҫулхи ӗҫ-хӗлне пӗтӗмлетме хутшӑннӑ.

Кермен пуҫлӑхӗ Виктория Елизова тухса калаҫнине итленисем тата кермен ӗҫӗ-хӗлне курса-пӗлекенсем культурӑпа социаллӑ комплексӗн тӑрӑшӑвне пысӑка хурса хакланӑ. Учреждени ирттерекен мероприятисем юлашки вӑхӑтра ҫӳллӗрех шая ҫӗкленнине палӑртнӑ.

Халӗ кермене юсаҫҫӗ, дизайнне ҫӗнетеҫҫӗ, пулӑшу пахалӑхне лайӑхлатаҫҫӗ. Ҫакӑн пирки Красноярск тӑрӑхӗнчи чӑвашсен наци культура автономийӗ тӗнче тетелӗнчи халӑх ушкӑнӗсенчен пӗринче пӗлтернӗ.

Керменӗн пӗлтӗрхи ӗҫӗ-хӗлне тишкернӗ кун культурӑпа социаллӑ комплексӗнче ӗҫлекенсене тӗрлӗ Хисеп грамотипе чысланӑ.

#чыслав, #пӗтӗмлетӳсем, #йӑхташсем, #Красноярск, #автономисем