Ӳнер музейӗ, Симфони капелли тата Вырӑс патшалӑх академи драма театрӗ ЧР Элтеперӗн грантне тивӗҫӗҫ. Кашнине 2,8-шар миллион тенкӗ парӗҫ. Хушӑва Михаил Игнатьев ҫӗртме уйӑхӗн 20-мӗшӗнче алӑ пуснӑ.

Чӑваш патшалӑх ӳнер музейӗ «Точка сбора»: ателье современного искусства – стартап Центра современного искусства Чувашского государственного музея» проекта пурнӑҫламашкӑн гранта тивӗҫнӗ.

Чӑваш патшалӑх симфони капелли вара грантпа «Симфоническая музыка Чувашии: вехи истории» проекта пурнӑҫа кӗртӗ. Ку – симфони кӗввин концерчӗсен ярӑмӗ.

Вырӑс патшалӑх драма театрӗ 2,8 миллион тенкӗпе Лопе де Веган «Учитель танцев» пьесине сцена ҫине кӑларӗ.

#культура, #грантсем, #Элтепер, #Вырӑс драма театрӗ, #Ӳнер музейӗ, #Симфони капелли