Сайта кӗр | Регистраци | Сайта кӗрсен унпа туллин усӑ курма пулӗ
 -8.0 °C
Шӑтӑк шӑрҫа ҫӗрте выртмасть.
[ваттисен сӑмахӗ]
 

Чӑвашлӑх: Евгений Ерагин кӗнеки — аваллӑх эткерӗ

Пулӑшу (Услуги) Хваттерте ремонт ӗҫӗсем тӑватӑп, плитка хуратӑп.
Сутатӑп Йывăçран тунă çурт сутатăп. Тăррине çĕнĕрен витнĕ, никĕсне çирĕплетнĕ. Мунча пур...
Туянатӑп Николай Терентьевăн "Суйласа илнисем" кĕнекин 1-мĕш томне (1994 ç. тух...
Виталий Станьял 23.03.2018 08:27 | 465 хут пӑхнӑ
Чӑвашлӑх
«Йӗрӗх» кӗнеке хӑтлавӗнчи тӗпчевҫӗсем хӗрсе калаҫнӑ пӗр самант
«Йӗрӗх» кӗнеке хӑтлавӗнчи тӗпчевҫӗсем хӗрсе калаҫнӑ пӗр самант

Чӑваш патшалӑх гуманитари ӑслӑлӑхӗсен институтӗнче Евгений Ерагин таврапӗлӳҫӗн «Йӗрӗх» ятлӑ тӗпчев кӗнекин хӑтлавӗ пулса иртрӗ. Йӗрӗх — чӑваш халӑхӗн тӗнӗ-ӗненӗвӗнче паянчченех сыхланса юлнӑ, кил-йышпа хӗрупраҫ ырлӑх-сывлӑхне упрама хистекен йӑла пулӑмӗ. Пӗрисем ӑна турӑ вырӑннех хураҫҫӗ, теприсем чунӑш (сывлӑш, чун хӑвачӗ) теҫҫӗ, виҫҫӗмӗшсемшӗн вӑл кӗлетри кӗтесре упранакан пуканеллӗ, парнеллӗ е йывӑҫ-курӑклӑ пӗрнепе кунтӑк. «Йӗрӗх» кӗнекере ырӑ-усал вӑйсем пирки, йӗрӗх пулӑмӗ, пӗлтерӗшӗ, пурнӑҫри ӗлӗкхи тата хальхи пӗлтерӗшӗ ҫинчен нумай енлӗн те тарӑн, халиччен мӗн ҫырни-илтнине пухса ӑнлантарса панӑ.

Кӗнеке умне алҫырупа паллашнӑ тӗпчевҫӗсен ӗнчӗхӗсене (рецензийӗсене) лартнӑ. Унта институт ӗҫченӗсем Георгий Матвеев, Николай Егоров, Вячеслав Ендеров шырав ӗҫне ырланӑ, вӑл паха пулнине палӑртнӑ. Вӗсем хӑтлавра та кӗнекене ырӑ сӑмахсемпех хакларӗҫ. Паллӑ ӑсчахсем Виталий Иванов, Виталий Родионов, Алексей Леонтьев тата институтри ытти ӑстасен сӑмахӗсем пӗлтерӗшлӗ пулчӗҫ. Кӗнеке аякран пынисене те (Тимӗр Акташ журналиста, Валерий Виноградов таврапӗлӳҫе, Сергей Щербаков историҫе) хытах килӗшнӗ. Вӗсем сакӑр пайран тӑракан кӗнекене (ӑна Алексей Сорокин таврапӗлӳҫӗн «Ҫӗнӗ вӑхӑт» кӑларӑшӗнче тирпейлӗ пичетленӗ) тӗрлӗ енчен тимлесе тухрӗҫ.

Чӑваш тӗнӗ-ӗненӗвӗнче турӑсемпе ырӑсем, хаярсемпе усалсем пит нумай. Йӗрӗх — вӗсенчен пӗри кӑна. Аҫтаха, алпастӑ, акар, вутама, вупӑр, вушни, ийе, имӗр, кӑчӑрми, нухӑт, пихампар, пӳртем, хӑрпан, хӗртсурт, эсрел, явӑл... Евгений Ерагин вӗсене пӗччен тӗпчесе пӗтерейрес ҫук, анчах — тӗпчемеллех. Халӑхӑмӑрӑн пин-пин ҫул тӑршшипе упранса пынӑ ӑс-хакӑл еткерне ухмахла таптаса тӑкас ҫук. Ӑслӑлӑх институчӗ мифлоги кӑтартмӑшӗпе тӗпчев кӗнекине кӑларма палӑртнӑ. «Йӗрӗх» кӗнеке шӑпах ҫав шантарупа уҫӑлать. Эппин, ӗҫӗн тӑсӑмӗ пулатех.

#тӗн, #кӗнекесем, #хӑтлавсем, #культура, #чӑвашлӑх, #ЧПГӐИ

 

Ҫавӑн пекех пӑхӑр

Кӗмӗл тумлӑ чӑвашсен эрешӗсен кӗнекине хӑтлӗҫ
2017, 04, 19
Марина Карягина Раҫҫейри халӑхсен поэзи антологийӗн хӑтлавне хутшӑнать
2017, 06, 02
«Пӗр пӗрчӗрен пин пӗрчӗ пултӑр!»
2017, 09, 28
Илемпи Туркай «Нарспиана» монографи кӑларнӑ
2017, 12, 19
Михаил Кондратьевӑн «ҫӗр ҫавра юррине» хӑтлӗҫ
2018, 03, 13

Комментари:

Тимĕр Акташ // 1867.28.8280
2018-03-23 13:20
Чаваш наци ас-хакален, халах култьтурин паха, кирле кенеке.
Ялтан // 9259.3.8429
2018-03-24 14:46
Хамăра хамăр мухтамалла паллах,анчах та чăваш тĕнĕн пĕр енне кăна тĕчпчени çителĕксĕр.

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org