Шупашкарти урамсенче питӗ шуҫлак, утма та хӑрушӑ. Чылай ҫӗрте тротуар ҫине хӑй ӑр е ятарлӑ тӑвар сапман. Хӑть коньки тӑхӑн та ҫула тух.

Нумаях пулмасть Шупашкарта пӗр хӗрарам 4 уйӑхри ачине йӑтса таҫта кайма тухнӑ. Ку Трактор тӑвакансен проспектӗнче пулнӑ. Хӗрарӑм тротуарпа утса пынӑ чухне шуса ӳкнӗ. Амӑшӗ хӑй йӗркеллех, анчах, шел те, пӗчӗк ача хытах ҫапӑннӑ, вӑл вилнӗ.

РФ Следстви комитечӗн Чӑваш Енри следстви управленийӗ пӗлтернӗ тӑрӑх, халӗ ку ӗҫ тӗлӗшпе тӗрӗслев пырать.

«Про Город» хаҫатра ҫак пулӑма ҫынсем хӗрсе сӳтсе явнӑ. Пӗрисем каланӑ тӑрӑх, амӑшӗн йӗкӗреш пулнӑ. Тепӗр ачи ашшӗпе килте юлнӑ, кусем кирлӗ ҫӗре кайма тухнӑ.

#пӑтӑрмахсем, #Шупашкар, #ачасем, #Следстви комитечӗ