Паян, чӳк уйӑхӗн 13-мӗшӗнче, 11 сехетре Шупашкарти Эгер бульварӗнче вырнаҫнӑ каҫхи клуб умӗнче каччӑ виллине тупнӑ.

Иртен-ҫӳрен йӗрке хуралҫисем пухӑннине тӗлӗнсе сӑнанӑ. Мӗн пулнӑ унта? Чылайӑшне ҫак ыйту канӑҫсӑрлантарнӑ. Общежити тата каҫхи клуб умӗнче каччӑ вилли выртнӑ-мӗн.

Пӑтӑрмах пулнӑ вырӑна оперативлӑ службӑсем пухӑннӑ. Полицейскисем мӗн пулса иртнине уҫӑмлатас тӗллевпе каҫхи клуба темиҫе те кӗрсе пӑхнӑ.

РФ Следстви комитечӗн Чӑваш Енри следстви управленийӗ пӗлтернӗ тӑрӑх, ҫак ӗҫ тӗлӗшпе пуҫиле ӗҫ пуҫарнӑ. Ҫав вырӑнта следовательсем ӗҫленӗ. Халӗ оперативлӑ следстви мероприятийӗсем ирттереҫҫӗ.

#пӑтӑрмахсем, #полици, #Следстви комитечӗ, #Шупашкар, #каҫхи клубсем