Шупашкарти ҫӗнӗ кӑнтӑр районӗнчи пӗр хваттерте 3 уйӑхри ача виллине тупнӑ. Унӑн 29 ҫулти амӑшӗ вара тӑнсӑр выртнӑ. Ҫавна май «Ҫынна асӑрханмасӑр вилӗм кӳнӗшӗн» статьяпа пуҫиле ӗҫ пуҫарнӑ.

Ку ҫу уйӑхӗн 24-мӗшӗнче пулнӑ. Эгер бульварӗнчи пӗр хваттерте пӗчӗк ачан виллине, диван ҫинче хырӑмпа выртнӑскере, тупнӑ. Унпа юнашарах урайӗнче 29 ҫулти хӗрарӑм выртнӑ. Следовательсем амӑшӗпе ачи ҫинче пусмӑрланӑ йӗр тупман.

Судмедэкспертсем малтанлӑха пӗлтернӗ тӑрӑх, ача сывлӑш ҫитменнипе вилнӗ. Следовательсем хваттере тӗплӗн тӗрӗсленӗ, ҫынсенчен ыйтса пӗлнӗ. Ку пуҫиле ӗҫе Следстви комитечӗ тӗрӗслесе тӑрӗ. Ҫамрӑк хӗрарӑм хальлӗхе комӑра выртать.

#Шупашкар, #ачасем, #пӑтӑрмахсем, #Следстви комитечӗ