Сайта кӗр | Регистраци | Сайта кӗрсен унпа туллин усӑ курма пулӗ
 +30.0 °C
Ҫӳрен каска якалнӑ, выртакан каска мӑкланнӑ.
[ваттисен сӑмахӗ]
 

Культура: Evil Sun ☼ Усал Хӗвел

Сутатӑп Йывăçран тунă çурт сутатăп. Тăррине çĕнĕрен витнĕ, никĕсне çирĕплетнĕ. Мунча пур...
Туянатӑп Николай Терентьевăн "Суйласа илнисем" кĕнекин 1-мĕш томне (1994 ç. тух...
Сутатӑп Арека пальма
Ireklekh 06.12.2017 16:36 | 1842 хут пӑхнӑ
Харпӑр шухӑш Культура

Тӳрӗ кӑмӑллӑ Evil Sun пушпараппанланса вырӑнсӑр мухтанчӑкланманнипех эсӗ, вулаканӑм, Усал Хӗвелӗн пултарулӑх ӗҫӗ пирки сахал пӗлме пултаратӑн. Паянхи кун вара чылай ҫынна кӑсӑклантарнӑ ыйтусене татса парас та уҫӑмлатас терӗмӗр.

Ӑҫтарах-ши Усал Хӗвел татти?

Руслан Михайлов, вӑлах Evil Sun, вӑлах Усал Хӗвел, мусӑк ӗҫне пуҫӗпех 2007–2008 ҫулсенче кӗрсе кайнӑ, ун чух вӑл альтернативлӑ кӗвве кӑмӑлланӑ, ҫав вӑхӑтрах мусӑк пур тӗсне те тивӗҫлипех йышӑнса хакланӑ. Пирвайхи тапхӑрта вӑл хайланӑ кӗвӗсем — йӑлтах электрон мусӑк. Шупашкарти профессиллӗ лицейра вӗреннӗ вӑхӑтра пӗр кӗтес тара илсе пурӑнакан йӗкӗт гитара калама , мусӑк хатӗрӗпе мӗн каланине ҫыртарнипе кӑсӑкланма тытӑнать...

Мӗншӗн-ха «Evil Sun», ма-ха Хӗвелӗ Усал тесе ыйтатӑн-и-ке? Кунта манӑн сан тарӑн шухӑш тупас ӗмӗте татма лекет. Руслан усал хӗвел ӳкерчӗкне тетелте асӑрхать ҫех. Вӗсем пӗр-пӗрне тупнӑ ӗнтӗ ахӑртнех.

Усал Хӗвеле сӑвӑ ҫырма хавал пӗчченлӗхпе халӑхран айккинченех пулас килнӗ туртӑм парса тӑраҫҫӗ.

Мӗншӗн-ха мусӑкпа пачах та ҫыхӑнман професси алла илнӗ ҫамрӑк чӑвашла хӑйнеевӗрлӗ хайлавсем шӑрҫалама тытӑнать? Ма тесен-и.., ара, ҫирӗм пӗрремӗш ӗмӗрте теҫетке ҫул иртсен те чӑваш эстради иртнӗ ӗмӗрӗн тӑхӑрвуннӑмӗш ҫулӗсенчи вырӑс тунц-тунц дискотекинчен те пулин иртеймен: тӳсме ҫук фонограмма, упа сиксе ташланӑ хӑлхаллӑ "юрӑ ӑстисем" ӳлени, кӑсӑкли ҫукпа пӗрех, рокпа хип-хоп пирки шарлама та кирлӗ мар.

Паллах, Evil Sun та пӗр кӑлтӑксӑр, тиркеме ҫук мусӑкҫӑ мар. Ҫапах та, шухӑшӑма вӗҫлесе пынӑ май, акӑ мӗн палӑртса хӑварас килет. Усал Хӗвел вӑл чӑваш наци культури паянхи пурнӑҫ таппине сиссе тухнӑ пулӑм: чӑваш юрӑ-кӗввин тӑрӑмне тишкернӗ чух ун сӑмси тӑрринче кӗрен куҫлӑх ҫук, гитара каласа юрланӑ вӑхӑтра вӑл хӑй ӑсталӑхне туптать, юрласах халӑхран виҫ пус пуҫтарас тесе ӗмӗтленсе лармасть. Турра шӗкӗр, Усал Хӗвел - пӗртен-пӗр уйрӑм тӗслӗх мар, юлашки вӑхӑтра ҫӗн мусӑкҫӑсем тупӑнсах тӑраҫҫӗ, маларах асӑннӑ тӗрлӗ тӗслӗ рокпа рэп тӑвакан ачсем те пур, поп-мусӑк пахалӑхӗ те ӳссе пыни куҫкӗретех. Апла пулсан, чӑваш мусӑк юхӑмӗн аталанӑвӗ те, пуласлӑхӗ те пурах.

#культура, #чӑвашлӑх, #пултарулӑх

 

Ҫавӑн пекех пӑхӑр

Чӑваш эстради: тӑнкӑр-тӑнкӑр кӗвӗ-и?
2017, 09, 27
Белгорода каяс тесен чӑвашла юрламалла
2017, 10, 05
Эстрада юрӑҫисене пӗчӗк ачаран тӗслӗх илме сӗнеҫҫӗ
2017, 11, 15
Иркустк чӑвашӗсем этнокараокене йыравлаҫҫӗ
2017, 11, 25
Журналист «Раҫҫей чӑваш пики» конкурса айӑн-ҫийӗн тиркенӗ
2017, 12, 04

Комментари:

Agabazar // 1671.80.9935
2017-12-06 22:27
Agabazar
The Devil
The devil in details
The devil is in the detail

https://en.wikipedia.org/wiki/The_devil_is_in_the_detail

Вырăсла "дьявол в деталях" теççĕ.

Шуйттан вак-тĕвекре ларать.
Чăвашла рифмăланасшанах мар. Анафора пекки те çук. Тен, кам та пулсан ăсталаса парĕ?
Agabazar // 1671.80.9935
2017-12-06 22:32
Agabazar
Devil тата Еvil пĕр пек курăнаççĕ пулин те, тĕрлĕрен янраççĕ.
Пĕрремĕшĕ — Дэвл
Иккĕмĕшĕ — Ивл
2018-04-16 20:16
Акапасар, сакăр вуннăмĕш çулсенче те вырăс юррисем ытларах ют чĕлхерен куçарусемччĕ, паян вара вырăсла юрăсем те юрăçсем те çукпа пĕрех. Баста е Лепс юрăç? Е тата Крид? Юрă тенĕ япала чуна хавхалантармалла, ку ĕнте, мĕн каласан та, çук. Мĕншĕн Дитер Болен продюсер çĕр ытла юрă çырса кашни юрри хит-парадсенче пĕрремĕш вырăн тытнă? Ку вăл пĕтĕмпе туртăм пурринчен килет, пирĕн вара ăçта еркĕнĕсем, ăçта укçа аслă вырăнта - вырăс юрăçисен хушшинче. Ку чухне туртăмпа талант пирки сăмах та хускатма намăс. Чăваш юрăçисем хушшинче христофорова палăртас килет, вăт унăн чăнласа талант.
владимир // 3957.56.0551
2018-04-19 03:20
Ненай, чуна пырса тивсе макăртмасан, е сиксе чăвашла ташлаттармасан мĕнле-ха кĕвве кĕвĕ темелле-ши халăхăн?! Упа ташши ташлаттаракан реактивный самолет сассине тавай юрă теме пуçлар, хăватлă шĕвексем сыпса аташакансем хыççăн, э?!
2018-04-19 07:30
Тĕрĕс, Владимир. Паянхи кун çавнашкал сасăсене кĕвĕ теме пикенчĕç те ĕнтĕ. Çĕнĕ юрăçсен пĕтĕм кĕвви пысăк параппана çаптараççĕ те, тăнкăр-танкăр, ăçта илемлĕ кĕвĕсем. Юрри хăй тĕллĕн, сасси хăй тĕллĕн, вăл сасăпа хăть чăвашла юрла, хăть хăш чĕлхепе.Кĕвĕ вара халăхăн хăйне евĕрлĕхне уçса памалла. Мĕншĕн çук халĕ çакă? Пурте укçа-тенкĕшĕн ăнтăлаççĕ. "Шăнкăрав курăкĕ", "Çумăр çăвать" юрăсене илер -мĕн тери илемлĕ итлеме. Анчах та тупăнаççĕ, тĕрлĕ йышши Усал Хĕвелсене çÿлелле çĕклеме. Талантсене пулăшмалла, сĕмсĕр хăех çĕкленет
2018-06-05 08:40
Тĕлĕнмелле! Чăваш чĕлхине çÿлелле çĕклемеллен текенсене, кĕвĕ-юрă, культура пачах кăсăклантармасть пулать. Чĕлхе патне вара этем илем хыççăн туртăнать. Наука ĕçĕсене хăть мĕнле чĕлхере те тупма пур, а вăт юрă, кĕвĕ илемĕ халăхра. Çакăн тăрăхах паллă ĕнтĕ мĕскершĕн авалхине чаваланни, çĕнĕ диссертаци, унтан степеньсем, халăхĕ мĕн, пурăнтăр мĕнле пурăнать, кам-мĕн мешетлет уна. Вырăс халăхĕ хăй шавлать пире хĕсĕрлеççĕ тесе, хăшне вара чăнласах хĕсĕрлеççĕ, ниепле те тавçăрса пĕтерейместĕп, вунă клас пĕтерни сахалтарах пулас)))))

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

 
Сайт пирки | Пулӑшу | Статистика
(c) 2005-2017 Chuvash.Org | МИХ пек регистрациленӗ свидетельство номерӗ: 2017 ҫулхи нарӑсӑн 3-мӗшӗнче алӑ пуснӑ ЭЛ № ФС 77 - 68592. Свидетельствӑна Ҫыхӑну, информаци технологийӗ тата массӑллӑ коммуникаци сферине тӗрӗслесе тӑракан федераллӑ служба (Роскомнадзор) панӑ.
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org