Кӳкеҫри ваттисен ҫуртӗнче

Хисеплӗ пенсионерсем, вӑрҫӑ тата ӗҫ ветеранӗсем!

Пӗтӗм тӗнчери ватӑ ҫынсен кунӗ ячӗпе чи ӑшӑ кӑмӑлтан саламланине йышӑнсамӑр!

Халӑхӑн йӑли-йӗркин шанчӑклӑ управҫисем, пурнӑҫри паха опытпа ӑс-хакӑл ҫӑл куҫӗ пулнӑ май, эсир республикӑн ылтӑн фончӗ шутланатӑр. Истори тапхӑрӗсене вӗҫе-вӗҫӗн татӑлми ҫыхӑнтарса хӑвӑрӑн аслӑ та тарӑн пӗлӗвӗре ҫамрӑк ӑрӑва паратӑр, суйласа илнӗ ӗҫе чунтан юратма тата чи пӗлтерӗшли — ҫамрӑксене ӗненме вӗрентетӗр, ӑна ҫемьере сыхласа упратӑр, ҫирӗп ӗненӳ вара ҫынна мӗн пур йывӑрлӑха ҫӗнме тата тулли те телейлӗ пурнӑҫпа пурӑнма пулӑшать.

Паянхи Чӑваш Ен тивӗҫлипе мухтанакан чылай япалана эсир тунӑ тата килес ӑрусемшӗн шанчӑклӑн сыхласа хӑварнӑ. Вӗсен шутӗнче: промышленноҫӑн пысӑк предприятийӗсемпе архитектура палӑкӗсем, автомобиль тата чукун ҫулсем, пурӑнмалли микрорайонсем. Эсир ырми-канми тӑрӑшнине пула вӑрҫӑ хыҫҫӑнхи ҫулсенче ял хуҫалӑхӗ вӑй илсе тӗрекленнӗ, республикӑра пӗрремӗш трактор туса кӑларнӑ, йӗркеллӗ пурӑнма лайӑх майсем туса хунӑ.

Эпир сирӗн ҫитӗнӗвӗрсемпе чун-чӗререн хавхаланатпӑр, сиртен тӗслӗх илетпӗр, пурнӑҫри хастарлӑхӑршӑн савӑнатпӑр.

Пенсионерсемпе ветерансене пур енлӗн пулӑшасси тата аслӑ ӑрушӑн кирлӗ пек тӑрӑшасси — республикӑн патшалӑх политикин тӗп ҫул-йӗрӗ. Чӑваш Енре ватӑ ҫынсене пулӑшу пама уйӑракан укҫа-тенкӗ калӑпӑшӗ ҫулсерен пысӑкланать, пенсисен виҫи ӳсет, ятран паракан социаллӑ программӑсем пурнӑҫланаҫҫӗ. Ватӑ ҫынсен пурӑнмалли условийӗсене лайӑхлатас, вӗсене медицина пулӑшӑвӗ парас тата эмелсемпе тивӗҫтерес ӗҫсене малалла та тивӗҫлӗ шайра туса пырӑпӑр.

Сире пӗтӗм кӑмӑлтан ҫирӗп сывлӑх, чун канӑҫлӑхӗпе вӑрӑм ӗмӗр, пурнӑҫа савма, ҫывӑх ҫыннӑрсен чун ӑшшипе юратӑвне туллин туйма сунатӑп. Ырлӑх тата телей сире!

Чӑваш Республикин Элтеперӗ М.Игнатьев.

#саламсем, #ватлӑх