Шкулти пӗрремеш шӑнкӑрав

Паянхи кун тӗлне республикӑри шкулсенчен 73% ҫӗнӗ вӗренӳ ҫулне кӗтсе илме хатӗр. Кун пирки Чӑваш Енӗн вӗренӳ министерстви сайчӗ пӗлтерет. Ҫӗнӗ Шупашкарти учрежденисем 100 проценчӗпех хатӗр. Вӗсенчен Ҫӗрпӳ, Етӗрне, Елчӗк районӗнчи шкулсем юлмаҫҫӗ — унта та 100% кӑтартупа танлашнӑ. Куславкка (92,5%), Ҫӗмӗрле (90%), Тӑвай (90%), Элӗк (85%), Сӗнтӗрвӑрри (85%) тата Патӑрьел районӗсенчи (85%) шкулсене те хатӗрлесе ҫитернипе пӗрех.

Ытти вӗренӳ учрежденийӗсене пӑхас пулсан муниципаллӑ комиссисем 196 шкул умӗнхи пӗлӳ паракан (49%) учреждение, 35 (59%) ачасене хушма пӗлӳ паракан учреждение, республика шайӗнчи 10 (59%) пуҫламӑш тата 2 (40%) вӑтам професилле пӗлӳ паракан учреждение йышӑннӑ.

Пӗлме: Чӑваш Енре пӗтӗмешле шутласан пурӗ 439 шкул умӗнхи пӗлӳ паракан учреждени, 501 ахаль шкул, 11 каҫхи шкул. Професилле паракан учрежденисем пурӗ 54: 17 пуҫламӑш, 27 вӑтам, 26 аслӑ пӗлӳ паракансем. Хушма пӗлӳ паракан учрежденисем шучӗ — 61. Ялти шкулсем пурӗ 378, хуларисем — 123. Малтанлӑха палӑртнӑ тӑрах 2011-12 вӗренӳ ҫулӗнче пӗрремӗш класа пурӗ 12,3 ача кайӗ.

#вӗренӳ, #Елчӗк районӗ, #Етӗрне районӗ, #Ҫӗрпӳ районӗ, #Ҫӗнӗ Шупашкар, #шкулсем