Сайта кӗр | Регистраци | Сайта кӗрсен унпа туллин усӑ курма пулӗ
 0.0 °C
Тиркекене тирӗк тӗпӗ лекет.
[ваттисен сӑмахӗ]
 

Ӑслӑлӑх: Ӑслӑлӑх кунне палӑртма икӗ министр ҫитнӗ

Сутатӑп Тĕртнĕ(пусма) маска , 100 тенкĕпе сутатăп
Сутатӑп Килти хуҫалӑхри сӗт, тӑпӑрчӑ, ҫу, ҫӑмарта.
Паллашу Çамрăк 21-ре Чăваш каччă — Чăн Чăваш хĕре тĕл пулса — пĕрле яланлăха пуласшăн! ...
Аçтахар Плотников 09.02.2017 22:54 | 1143 хут пӑхнӑ
Ӑслӑлӑх

Нарӑсӑн 8-мӗшӗнче Раҫҫейре Ӑслӑлӑх кунне паллӑ тӑваҫҫӗ. Вӑл уява пуҫласа Борис Ельцин хӑй вӑхӑтӗнче, 1999 ҫулхи ҫӗртмен 7-мӗшӗнче, кӗртнӗччӗ. Ҫапла май ӑслӑлӑх анинче тӑрмашакансен хӑйсен професси уявӗ пур.

Чӑваш патшалӑх гуманитари ӑслӑлӑхӗсен институчӗ те ҫак куна палӑртмасӑр хӑварма пултарайман — унта паян пӗтӗмлетӳллӗ ӑслӑлӑх сессийӗ иртнӗ. Вӑл икӗ кун тӑсӑлӗ — ӑсчахсен доклачӗсене паян кӑна мар, ыран та итлеме пулӗ.

Ӑслӑлӑх сессине институт директорӗ Пётр Степанович Краснов уҫрӗ. Паянхи ларусенче икӗ доклада сӳтсе яврӗҫ. Пӗрине Гусаров Юрий Владимирович вуларӗ, теприне — Харитонова Валентина Григорьевна. Уйрӑмах Юрий Владимирович доклачӗ кӑсӑклӑ пулчӗ — вӑл XIX ӗмӗрӗн пӗрремӗш ҫурринчен пуҫласа ХХ ӗмӗр пуҫламӑшӗ хушшинче вырӑсларан чӑвашла куҫарнӑ кӗнекесем пирки каласа пачӗ, Николай Ильминский умӗнче чӑннипе мӗнле тӗллевсем тӑни ҫинчен уҫса пачӗ. Сӳтсе явакансем те чылай пулчӗҫ — кашни хӑйӗн шухӑшне пӗлтерчӗ.

Валентина Григорьевнӑн докладне итлеме вара икӗ министр (Юрий Исаевпа Константин Яковлев) тата Патшалӑх Канашӗ Председателӗ Валерий Филимонов килчӗҫ. Пысӑк тӳре-шарасен тӗллевӗ, паллах, урӑхличчӗ — вӗсем ӑслӑлӑх ӗҫченӗсене професси уявӗпе саламлама, хисеп хучӗсемпе чыслама килчӗҫ. Ҫавах та Валентина Харитоновӑн докладне пуҫламӑшӗнчен пуҫласа вӗҫне ҫитиех итлесе ларчӗҫ. Валерий Николаевич вара ӑсчах ӗҫӗ питӗ пӗлтерӗшлӗ пулнине асӑнчӗ, ку ӗҫпе патшалӑх структуринче ӗҫлекенсене те паллаштарма ыйтрӗ.

Ыран ӑсчахсем Георгий Фёдоров ӗҫӗсем тавра докладсем тӑвӗҫ, тата А. Трофимовӑн кӗнекине хӑтлӗҫ. Икӗ пайӗ те ӳнерпе тата чӗлхе пӗлӗвӗпе кӑсӑкланакансене интереслӗ пулма тивӗҫ. Ӑслӑлӑх сессийӗ 9 сехет ҫурӑра пуҫланӗ.

#ӑслӑлӑх, #Ӑслӑлӑх кунӗ, #уявсем, #ЧПГӐИ, #чӑваш чӗлхи, #Вӗренӳ министерстви, #Культура Министерстви, #Патшалӑх Канашӗ

 

Сӑнсем (16)

Ҫавӑн пекех пӑхӑр

Пӗтӗм чӑваш диктантне кӑҫал та ирттерӗҫ
2016, 02, 29
Ӑсчахсем Юрий Ефимов чӗлхеҫӗне аса илчӗҫ
2016, 10, 25
Пысӑк ҫухату — пирӗнтен Михаил Иванович Скворцов уйрӑлса кайнӑ
2016, 12, 01
Наум Урхи ячӗпе конференци иртӗ
2016, 12, 05
Наум Урхин ачисемпе мӑнукӗсем чӑвашла вӗрентменнишӗн пӑшӑрханчӗҫ
2016, 12, 06

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ

Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.


Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org