Ҫул-йӗр правилисене пӑхӑнмаллине Кӳкеҫри ачасене «Прикамье» хысна учрежденийӗн ӗҫченӗсем ӑнлантарнӑ. Росавтодора пӑхӑнакан ҫак учрежденире шухӑшланӑ тӑрӑх, ҫул-йӗр ҫинче ачасем, пӗчӗккисем — 12 ҫула ҫитменнисем уйрӑмах, шра кураҫҫӗ. Ҫакна ӑнланнӑран унтисем ачасем валли хӑрушсӑрлӑх урокӗсем йӗркелеҫҫӗ. Хальхинче вӗсем Шупашкар районӗнчи Кӳкеҫри шкул-интернатра вӗренекенсемпе калаҫу ирттернӗ.

«Прикамье» учрежденин ҫул-йӗр хӑрушсӑрлӑхӗн пайӗн пуҫлӑхӗ Филипп Ходаев ачасене ҫул-йӗр правилисемпе, ятарлӑ паллӑсем мӗне пӗлтернипе паллаштарнӑ. Ҫипуҫ ҫине аякранах курӑнакан хатӗр ҫыпӑҫтарнин уссине те вӑл ӑнлантарнӑ. Ун пек хатӗр 150 метртанах курӑнать, машина ҫутинче ӑна водитель 400 метртан асӑрхать.

#ачасем, #шкулсем, #ҫул-йӗр, #хӑрушсӑрлӑх, #Шупашкар районӗ, #Кӳкеҫ