Юрий Кручинин

Чӑваш Енри ачасен правине хӳтӗлес енӗпе ӗҫленӗ Вячеслав Рафинов малашне ку тивӗҫе пурнӑҫламассине эпир маларах пӗлтернӗччӗ. Аса илтеретпӗр, Вячеслав Викторович шӑпӑрлансемшӗн чупса ҫӳресе ывӑннишӗн мар, республикӑн Патшалӑх Канашне депутата суйланнишӗн пӗчӗккисен хӳтӗлевҫин пуканне пушатӗ.

Чӑваш Енӗн правительствинче паян иртнӗ канашлура Михаил Игнатьев ачасене Этем правине хӳтӗлес енӗпе ӗҫлекен уполномоченнӑй та хӳтте илейрессине палӑртнӑ. Ҫӗршывра Ачасен правине хӳтӗлес енӗпе ӗҫлекен уполномоченнӑй должноҫне пӗтерес юхӑм пур иккен.

Чӑваш Енӗн влаҫ органӗсен официаллӑ порталӗнче ҫырни тӑрӑх хакласан, пирӗн патра ҫак икӗ хӳтӗлевҫӗ аппаратне пӗрлештерес шухӑш сисӗнет.

Этем правине хӳтӗлессипе хальхи вӑхӑтра Юрий Кручинин ӗҫлет.

#политика, #саккунсем, #депутатсем, #партисем, #Патшалӑх Канашӗ