Лана Прусакова – маттур спортсменка. Ҫакна унӑн ҫитӗнӗвӗсем те ҫирӗплетеҫҫӗ.

Пирӗн ентеш черетлӗ ҫитӗнӳ палӑрнӑ. Слоуп-стайл дисциплинӑра вӑл чи лайӑххи пулнӑ. Раҫҫейӗн пӗрлештернӗ командинче вӑл чи ҫамрӑкки пулнӑ. 15 ҫултискер Олимп резервӗсен Ҫӗнӗ Шупашкарти училищинче ӑсталӑхне туптать.

Лана пур тапхӑрта та палӑрнӑ, чи нумай балл пухнӑ. Вӑл 500 очко пухнӑ. Ӑмӑртӑвӑн кашни тапхӑрӗнче Лана 100 очко ҫӗнсе илнӗ.

Слоуп-стайл дициплинӑра Красноярск крайӗнчи Анастасия Пашинова иккӗмӗш вырӑн йышӑннӑ. Виҫҫӗмӗшне вара Челипе облаҫӗнчи Елизавета Чеснокова тивӗҫнӗ.

#фристайл, #слоуп-стайл, #спорт, #Ҫӗнӗ Шупашкар