Сайта кӗр | Регистраци | Сайта кӗрсен унпа туллин усӑ курма пулӗ
 +4.3 °C
Пур пӗрле, ҫук ҫурмалла.
[ваттисен сӑмахӗ]
 

Культура: Трак районӗнче Кино, Ӗҫ ҫынни тата Элли Михайлович Юрьев ҫулталӑкне уҫрӗҫ

Сутатӑп Мотоблок валли лентӑллӑ ҫӗрулми кӑлармалли хатӗр сутатӑп. 15 пинпе. Хаклашма юра...
Сутатӑп Чăн-чăн килти хытă чăкăтсем (сырсем) сутатпăр. Вĕсене мăн пыршă (вырăсла сычуг) ...
Сутатӑп Хурăн вутти Муркаш районĕпе тата Шупашкар районĕнчи Ишлей тăрăхĕпе сутатăп. Ха...
Petrova_Sveta13 28.01.2016 12:34 | 1889 хут пӑхнӑ
Культура Юрий Сементере юбилей ячӗпе район пуҫлӑхӗ Олег Васильевич саламлать
Юрий Сементере юбилей ячӗпе район пуҫлӑхӗ Олег Васильевич саламлать

Кӑрлач уйӑхӗн 26-мӗшӗнче Красноармейски районӗнче пурӑнакансем культура ҫуртне пуҫтарӑнчӗҫ. Ку мероприяти Ҫӗр ӗҫченӗн ҫулталӑкне, Кино ҫулталӑкне халалланӑ уяв пулчӗ. Уява чылай ҫын пуҫтарӑнчӗ. Уява Шупашкартан вӗрентӳ министрӗн ҫумӗ Сергей Кудряшов, культура министрӗн тивӗҫне пурнӑҫлакан Константин Яковлев, чӑваш халӑх поэчӗ Юрий Сементер, «Трак ен» ентешлӗх ертӳҫи Алексей Львов килсе ҫитрӗҫ.

Уявӑн 1-мӗш пайӗ Кӗҫӗн Шетмӗре пулчӗ. Унта пуҫтарӑннисем чӑваш халӑх художникне, К.В. Иванов ячӗллӗ патшалӑх премийен лауреатне Элли Михайлович Юрьева халалланӑ музейра пулса курчӗҫ. Вӑл Кӗҫӗн Шетмӗ ялӗнче ҫуралнӑ.

Уявӑн тӗп пайне «Ниме» йӑла-йӗркине кӑтартнипе пуҫларӗҫ. Ун хыҫҫӑн Красноармейски район пуҫлӑхне Олег Васильевич Дмитриева сӑмах пачӗҫ. Вӑл кунта пухӑннисене уяв ячӗпе саламларӗ. Красноармейски район администрацин пуҫлӑхӗ Сергей Молотков сӑмах илчӗ. Вӑл пухӑннисене 2016 ҫула Раҫҫейре Кино ҫулталӑкӗ тесе йышӑннине пӗлтерчӗ, Раҫҫей Президенчӗн указӗпе паллаштарчӗ. «Чӑваш Республикинче ку ҫул — Ӗҫ ҫыннин ҫулталӑкӗ», — терӗ. Хуть ӑҫта ӗҫлесен те ӗҫе юратса, кӑмӑлтан тумалли ҫинчен каларӗ. Ҫавӑн пекех Красноармейски районӗнче ку ҫулталӑка чӑваш гербӗн тата ялавӗн авторне Элли Михайлович Юрьева халалланине пӗлтерчӗ.

Пухӑннисене Чӑваш Республикин пуҫлӑхӗн ячӗпе вӗрентӳ министрӗн ҫумӗ Сергей Кудряшов саламларӗ. Красноармейски районӗнчен тухнӑ паллӑ ҫынсем нумай пулнине палӑртрӗ. Ун хыҫҫӑн ӗҫре тата вӗренӳре палӑрнӑ, Чӑваш Республикин пуҫлӑхӗн стипендине илме тивӗҫ пулнӑ ҫамрӑксене свидетельствӑсем пачӗ. «Ҫулталӑк ҫынни» ята тивӗҫнӗ Роза Александровна Николаевӑна тата Заволжский клубӑн ертӳҫине Полина Захаровнӑна ӗҫри ҫитӗнӳсемшӗн хисеп хучӗпе чысларӗ.

Уява пухӑннисем чӑваш халӑх поэчӗ Юрий Сементер 75 ҫул тултарнине те паллӑ турӗҫ. Тӑвӑллӑн алӑ ҫупса, ӑшшӑн саламласа, ырлӑх-сывлӑх сунса юбиляра сцена ҫинче хисеплӗ вырӑн пачӗҫ. Халӑх поэчӗн вышкайсӑр пысӑк талантне хак парса, Сергей Молотков Трак ен халӑхӗ унпа тивӗҫлипех мухтаннине, мӑнаҫланнине палӑртрӗ. «Трак ен» ентешлӗх ертӳҫи Алексей Львов хисеп хучӗ парса чысларӗ. Ентеш поэт хӑйӗн ҫӗнӗ сӑввисемпе паллаштарчӗ, пурне те чӑвашлӑха упрассишӗн тӑрӑшмалли ҫинчен каларӗ.

#Кӗҫӗн Шетмӗ, #Красноармейски районӗ, #Кино ҫулталӑкӗ, #культура, #юбилейсем, #Красноармейски, #Ӗҫ ҫыннин ҫулталӑкӗ

 

Комментариле

Сирӗн ятӑp:
Анлӑлатса ҫырни:
B T U T Ячӗ1 Ячӗ2 Ячӗ3 # X2 X2 Ӳкерчӗк http://
WWW:
ӐӑӖӗҪҫӲӳ
Пурӗ кӗртнӗ: 0 симв. Чи пысӑк виҫе: 1200 симв.
Сирӗн чӑвашла ҫырма май паракан сарӑм (раскладка) ҫук пулсан ӑна КУНТАН илме пултаратӑр.
 

Эсир усӑ курма пултаракан Wiki тэгсем:

__...__ - сӑмаха каҫӑ евӗр тӑвасси.

__aaa|...__ - сӑмахӑн каҫине тепӗр сӑмахпа хатӗрлесси («...» вырӑнне «ааа» пулӗ).

__https://chuvash.org|...__ - сӑмах ҫине тулаш каҫӑ лартасси.

**...** - хулӑм шрифтпа палӑртасси.

~~...~~ - тайлӑк шрифтпа палӑртасси.

___...___ - аялтан чӗрнӗ йӗрпе палӑртасси.

Orphus

Баннерсем

Шутлавҫӑсем