Кăвар

Анатолий Васильев | Сăвă | 668


Юлтăм пулас

эп пурнăçран.

Юлсассăн та,

халь мĕн тăван?

Çулсем хăвăрт

иртсе пыраççĕ,

пачах вĕсем

çамрăклатмаççĕ,

тĕлсем патне

хăваламаççĕ.

Ах Тур нумай

кирлĕ тесе,

манăн пуçа

çавăртармаççĕ.

 

Нумай, чăнах та,

кирлĕ мар.

Чăваш калать –

çăкăр-тăвар.

Килте куллен

ăшă пулсан,

калаçма

юлташсем пулсан,

чирлĕ чĕре

сикмест пулсан –

манăн мĕншĕн

хурланмалла;

Савăнмалла,

пурăнмалла.

Мĕн кирли

вĕçех ман пур –

ĕненмесен эс,

кил те кур.

Керменте

пурăнмасан та,

машинасем

çуккă пулсан та,

пин япала

ман пулмасан та –

ман пек

пурăнаканни çук!

Хăвалакан

кĕтӳç те çук.

 

P.S. Юлтăм тени вăл,

ним те мар –

чĕртсе ямалли

кăвар.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем