Çĕмĕрт çеçке çурнăччĕ
Шăпчăк-кайăк юрланă чух
Çĕмĕрт çеçке çурнăччĕ.
Савнă туспа паллашнă чух
Çутă уйăх тулнăччĕ.
Эх, савниçĕм, хура куçăм,
Мĕншĕн çапла пулчĕ-ши?
Юрату тивертнĕ çулăм
Мĕншĕн хăвăрт сӳнчĕ-ши?
Шурă çĕмĕрт хӳттийĕнче
Пĕр эрне çеç тăтăмăр.
Тулли уйăх çулĕ çинче
Çичĕ каç çеç утрăмăр.
Çимĕк каçĕ тăм ӳкнипе
Çĕмĕрт çеçки тăкăнчĕ.
Çичĕ ютран тем илтнипе
Савнă тусăм уйрăлчĕ!
Шăпчăк-кайăк çимĕк çитсен
Юрламашкăн чарăнчĕ.
Савни манран сивĕнсессĕн
Çичĕ ют пуль савăнчĕ...
Шухăшсем
https://robotech...
Круглозвенные цепи — это не просто элем...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...
Сахал сăмахсемпех питĕ тарăн шухăшсем уç...
Мана питĕ килĕшрĕ...
Пĕтĕм пурнăç çак сăвăра теме пулать...
Питĕ килĕшрĕ...