«Тĕкĕртен сăна пăхмастăп...»

Марина Карягина | Сăвă | 1990 | 380


Тĕкĕртен сăна пăхмастăп,

Сапаланчăклăн кулса.

Çаруран чупса тухмастăп

Санăн уттуна туйса.

 

Эп хальччен савман уя та,

Çĕрлехи пĕччеи уя...

Ан ĕнен мана — суятăп!

Сивĕ куллăм та — суя!

 

Кăмăла уçса юрлас та —

Çăлтăр тăкăнĕ çӳлтен,

Юрату хĕвел пулас-тăк —

Тинĕс тĕпĕ типĕ, тен.

 

Каламан сăмах каланмĕ.

Калаймарăм. Чĕнмĕп те.

Халĕ тин никам ăнланмĕ

Тăлăх юлнă ĕмĕте.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: