«Хурлăхпа хуралнă, савнăçпа — саланнă...»

Марина Карягина | Сăвă | 1991 | 464


Хурлăхпа хуралнă, савнăçпа — саланнă...

Мĕн тесе каласшăн — пĕтнĕ калаçса.

Паянтан хĕвел те сивĕтме пуçланă,

Аслати сасси те çиçĕм пек таçта.

 

Пурнăç пур-тăр, пур-тăр. Иккĕленчĕк мар эп:

Çил ачи сывлать пек... Темĕн ыратать...

Тунсăхпа вилмен-шим йывăçсен тымарĕ? —

Куçăм хĕрхенет пек йĕрмĕш турата.

 

Хурлăхпа — хуралнă, савнăçпа — саланнă...

Кĕр сăнне вăрлар та пурăнар тату.

Пулнă. Пулнă, çуннă!.. Сӳннĕ — сапаланнă,

Пур пулса курасшăн çуннă юрату.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем