Ирхи мерчен

Анатолий Ырьят | Сăвă | 284


Мерчен, тейĕн, йăлтăртатать

Ирхи сывлăм, ай, хитре!

Эрешĕпе куçа шартать –

Тăван енĕм чечекре.

 

Хĕвел ури ачашласа

Шăрçасене çупкăмлать,

Вĕсемпе пĕрле ташласа

Тавралăха тыткăнлать.

 

Илем типсе çухаличчен

Çара уран чупатăп,

Çветтуй шыва тăраниччен

Тумлам-тумлам çăтатăп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем