Мăкăнь чечекĕ

Алексей Воробьев | Сăвă | 1967 | мăкăнь | чечек | 443


Туту çинче йăл çиçрĕ кулă.

Вăл йăмăх мăкăнь пек вĕри.

Пуласчĕ ман кăштах хăюллă,

Шуйттан пуласчĕ — кӳлĕри.

Сиксе тухас та, мур илесшĕ,

Пĕррех тăвас утма-чикме.

 

Туту çинчен татса илесчĕ

Хĕп-хĕрлĕ мăкăнь чечекне.

 

Мĕнпурĕ курăнĕ ансатăн,

Шăпланĕ тĕлĕннĕ тавра.

Куçпуç чарса эс пăшăлтатăн:

— Ытла та чăрсăр çак вара...

 

Вара — эп паттăр пулăп туххăм.

Чунра хăват пухăннипе.

Çĕр чăмăрне

Сарса эп тухăп

Кăвар пек хĕрлĕ мăкăньпе!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем