«Кипке шăрши...»

Алексей Воробьев | Сăвă | 1961 | 548


Кипке шăрши

Сунмасть пурне те сывлăх,

Сăпка çакса курмарĕ-çке мачча...

Пире кирлехчĕ, тусăм,

Хĕр е ывăл —

Кирек кам пултăр, пурпĕрех —

Ача.

 

Ăна кĕтсе миçе хут вырăн сарнă?

Ăна миçе хут курнă тĕлĕкре?

Юратнă арăм,

Сан пекех вăл сарă

Е йăм-хура, анчах манран хитре.

 

Çук, курăнмасть пăхсан та ватлăх каçĕ.

Çапах çӳçсем куллен шуралнăран

Чĕремĕрсем пĕр шăппăн йăпанаççĕ:

«Параймĕ çимĕç тăм ӳксен йăран».

 

Чĕр ĕмĕте кам хурлăхран кăкарĕ?

Ватăлмасла, савни, кил çывăха:

Пускил ачи, пĕр пĕчĕкçĕ Гагарин,

Пире лартса вĕçтерĕ уçлăха.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем