Çавал çинче
Çыранĕ вашăк,
Шывĕ хумсăр.
Чăмса каçмалăх çеç Çавал.
Пурнаймăп эп пурпĕр унсăр,
Вăл çывăх маншăн çав-çавах.
Таçти çĕрте çӳренĕ хыççăн,
Каллех кунта килсе çитсен,
Çавал шывне эп ывçăн-ывçăн
Ĕçетĕп ăшăм каниччен.
Хыпаланса кĕпе хыватăп...
Хĕвелĕ хĕртнĕ юриех
Сар хăйăра.
Шупка хăвалăх
Пуçлать кĕç хăйĕн юррине.
Кунçул халь пирĕншĕн амак-им?
Итле ак, савнăçа кура,
Утă пухан хĕрсен такмакĕ
Саланчĕ çичĕ кукăра.
Шыв сивĕрех, çиçет йăл-ялтăр.
Сикетĕп хамăн ирĕкпе —
Чăмса ишем, ӳт-пӳ тасалтăр,
Çуса ярам чун кирĕкне.
Çулта ĕшеннĕ кун сахал-им,
Утма тăрсан хам çухрăма?
Сăнанă эп, ялан Çавалăм
Чĕр вăй парать хул-çурăма.
Тавах, Çавал.
Эс чăпăл турăн.
Таса чунпа кĕрем яла.
Кунта тĕп кил,
Кунта ман юрă.
Кунтан çĕн утăм — малалла.
Шухăшсем
Ready to drive targeted visitors to your...
Повысьте эффективность своего производс...
Want more targeted leads to your website...
https://krak33...
Здесь вы сможете найти поставщиков удоб...
Здесь вы сможете найти поставщиков удоб...
Предлагаем вам высококачественный троту...
Квиз — это увлекательная игра-викторина...
Unlock more targeted leads with our AI! ...
Need help getting targeted visitors to y...