«Лăпланчĕ тăвал...»
Лăпланчĕ тăвал. Тухрĕ çутă уйăх.
Ăш çил пĕр касă вĕрчĕ кăнтăртан.
Çанталăка пула иртет-ха манăн хуйăх,
Ăш çил — савни саламĕ аякран.
Савни саламĕ — маншăн чăн-чăн сиплĕх,
Ман юрату хитре хĕвел пекех.
Савни пур чух нимле усал çĕнеймĕ
Мана.
Çакна шанатăп тем пекех.
Тăшман усаллăхĕ вăл — иртнĕ тăвăл,
Ăш çил вĕрсе çĕнтерчĕ тăвăла.
Пулас кунсем пулаççĕ пуль-ха çăмăл,
Тек курмăп çул çинче ултавçă-усала.
07.06.2007.
Вулавçăсен шухăшĕ
Çĕнĕ комментари хуш
зина (2012-10-14 23:01:23):
Питĕ килĕшӳллĕ çырнă сăмахсем,ăслă та тăнлă çырнă вĕсене