«Пуласлăх çăлтăрĕ çутатĕ камшăн...»
Пуласлăх çăлтăрĕ çутатĕ камшăн,
Кама пуласлăх пиллĕ ăраскал?
Ку ыйтăва памастăп эпĕ хамшăн,
Тăван çĕршыв пирки ман шухăш халь.
Тăван çĕршывăма ытла çаратрĕç,
Вăл халь хупписĕр юлнă йывăç пек.
Пире мурсем çул йӳппинче тăратрĕç,
Пĕтетпĕр-шим çапла йăлт пĕтĕмпех.
Кама шанса, кампа утас-ха пирĕн,
Мĕнле пуçлăхсене юрамалла.
Кама каламалла: «Тасал эс, сирĕл!»
Кам ĕретне пĕр çын пек тăмалла.
Ытла та халăха йăлт пăтраштарчĕç,
Укçашăн сутрĕç хăйсене çынсем.
Тĕрĕслĕхрен те чăнлăхран йăлт тарчĕç
Вăр-хурах пек çаратаканнисем.
Тăван çĕршывшăн пур-ши вăл пуласлăх,
Тăван чăваш курайĕ-ши телей?
Пире текех ыталас çук хаваслăх,
Çутатас çук пире çӳлти хĕвел.
26.04.2007.
Шухăшсем
Питĕ чуна пырса тивекен сăвă...
Ĕлĕк , вуншар çул каялла , тейĕпĕр , вул...
Пĕр калаврах ĕç-пуçĕ целăй романлăх !!!
Мана питĕ килĕшрĕ...
Вуланă ...
Енчен те " кĕрхи кунсем иртмеççĕ кăлăх"п...
Тем, сăвăн тĕллевне ăнланаймарăм, каçарă...
Ара , криминал та ку ! Çавăнпа та КУЛĂШЛ...
"Виççĕмĕш страница çитсен сасăпах кулкал...
Питĕ килĕшрĕ ...