«Хăйпе хăй хирĕçет, йĕрет çурхи çанталăк...»

Юхма Мишши | Сăвă | 2007 | 534


Хăйпе хăй хирĕçет, йĕрет çурхи çанталăк,

Пĕрре чĕнет çут хĕвеле, тепре хуса ярать.

Телейĕм килессе шанса, уçатăп алăк,

Анчах та вăл, ултавçă-кайăк, таçталла тарать.

 

Мĕнле кĕртес ăна хам йăвана, тăванăм?

Ана мĕн кирлĕ?

Мĕн савать?

Çакна ăçтан чухлас?

Ытла та хурлăхлă, инкеклĕ кунăм манăн,

Ăна мĕскер парса, парнелесе улăштарас?

 

Йăмра çулçисемпе шавлать, ав, шĕпĕл-шĕпĕл,

Шур кăвакарчăн тем шырать, чупса çӳрет.

Çук манăн ĕнчĕ те ахах, çук ылттăн-кĕмĕл,

Çакна пĕлсе, çурхи çанталăк хирĕçет, йĕрет.

 

27.03.2007.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем