«Кашни чечек çак çĕр çине...»
Кашни чечек çак çĕр çине
Илем кӳме ӳссе ларать.
Кашни этем çут тĕнчене
Ыр ĕç тумашкăн çуралать.
Хăй тивĕçне туман этем —
Ним усăсăр шыв юхтарни.
Хăй тивĕçне туман этем —
Çил çук чухне çил кăларни.
Ыр ĕç туни — илем кӳни,
Çут тĕнчене савăнтарни.
Ыр ĕç туни — телей кӳни,
Пуласлăха çывăхартни.
Ыр ĕç тăвасчĕ, тусăмсем!
Ĕçре, тăванăм, Улăп пул.
Эй, Турăçăм, вăй-хал кӳрсем,
Ĕçлемелли татах тем чул.
22.02.07.
Вулавçăсен шухăшĕ
Çĕнĕ комментари хуш
Матвей (2012-01-21 07:40:07):
Мĕне пĕльтерет сăмах - çын? Мĕне пĕлтерет сăмах - этэм7 Вĕсень хушинче уйрăМлăх пур-и? Каçарăр,эпĕ айакра ( или аякра ) пурăнакан ЧăВАШ.
Admin (2012-01-21 17:13:18):
уйрăмлăх пур. танлаштарăр: этемлĕх — человечество, çынлăх — человечность. Ваттисен сăмахĕ те пур: этем нумай, çын сахал.
Вол (2012-01-24 15:20:20):
Пуш сăмахсем. Астăватăри: "Учиться, учиться и учиться",