«Юлхавлăн юхан шыв юхать...»

Юлхавлăн юхан шыв юхать,

Сĕтĕрĕнсе кĕтӳç пушши пек

Кăмакари ăш çăкăр пек,

Хăпартланса хĕвел тухать.

Патрак — санпа тĕнче хушши.

Куç курăнми çӳхе çеç кантăк.

Шартлатсанах кĕтӳç пушши,

Унран тăрса юлас пек ванчăк...

Тĕнче, чăнах та-мĕн черчен.

Танлаштарсассăн фарфор савăт.

Çакна куран чӳречерен:

Хурланчăк çын е шутсăр савăк...

Юлхавлăн юхан шыв юхать,

Сĕтĕрĕнсе кĕтӳç пушши пек.

Иртни-пулни асра юлать:

«Асту!» — тесе сана калать пек.

Çĕнĕ комментари хуш