«Ытла та пит хăвăрт кунçул урапи...»

Юхма Мишши | Сăвă | 2006 | 456


Ытла та пит хăвăрт кунçул урапи,

Нимле чап-мухтав тавлашаймĕ унпа.

Мантарĕ йăлтах иртнине кун таппи,

Нихçан ан мухтан тахçан пулнă чаппа.

 

Мухтав куштан çыншăн инкек йыхравçи,

Кашни çын чапа хăй çинче чăтаймасть.

Сăпайлăх ыр çыншăн пуласлăх элчи,

Сăпайлă çынна усал ят çыпçăнмасть.

 

Сăпайлă маттур çын ĕçлет савăнса,

Ĕçре мухтанса çӳремешкĕн май çук.

Ĕçчен çынна чап хăй тупать шыраса,

Пуçкăшăл тытса, вăл пачах кĕтмен чух.

 

15.07.2006

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем