Ăçта çӳретĕн-ши, телейĕм?

Валери Туктар | Сăвă | телей | 438


Ăçта çӳретĕн-ши, телейĕм?

Ытла та йывăр-çке мана.

Сана хăçан кĕтсе илейĕп?

Тархасшăн, лăплантар чуна.

 

Сана курсассăн савăнатăп,

Шанатăп ырлăх çитессе.

Йăл куллупа çунатланатăп,

Чунпа каятăп çĕкленсе».

 

Ан çухалсамччĕ, çут телейĕм? —

Эс çумра чухне хитре тĕнче.

Пит савăк туйăнан, хĕвелĕм —

Шевлӳ вылятăр пит çинче.

 

Ăçта çӳретĕн-ши, телейĕм? —

Ытла та йывăр-çке мана.

Сана хăçан кĕтсе илейĕп?

Тархасшăн, лăплантар чуна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: