Электронлă вулавăш

Сӳпенкке Илли (Соловьев Илья Тихонович) — чӑваш ҫыравҫи. 1906 ҫулхи ҫурла уйӑхӗн 2-мӗшӗнче Красноармейски районӗн Ҫӗньял Шетмӗ ялӗнче ҫуралнӑ. 1943 ҫулхи ҫурла уйӑхӗн 19-мӗшӗнче Смоленск облаҫӗнчи Холмск ялӗ патӗнчи ҫапӑҫура пуҫне хунӑ.

Вӑл Шупуҫӗнчи пуҫламӑш, Ишекри икӗ сыпӑклӑ шкулсенче ӑс пухнӑ. Каярах Шупашкарти рабфакра, педагогика институтӗнче вӗреннӗ. Самарти «Вӑтам Атӑл» журнал редакцинче ӗҫленӗ, каярах Мӑн Шетмӗ шкулӗн директорӗ пулнӑ.

1942 ҫулта фронта кайнӑ, 1943 ҫулта пӗр ҫапӑҫура пуҫне хунӑ.

Сӳпенкке Илли ытларах йӳплӗ шӳтсем ҫырнӑ, вӗсенче вӑл пурнӑҫри тӗрлӗ ҫитменлӗхсене тӑрӑхланӑ.