Сайта кӗр | Регистраци | Сайта кӗрсен унпа туллин усӑ курма пулӗ
 +1.0 °C
Пуҫтарма — ҫулталӑк, салатма — ҫур талӑк.
[ваттисен сӑмахӗ]
 

Мӗтри Юман

Мӗтри Юман (чӑн ячӗ Дмитрий Петрович Петров), — чӑваш ҫыравҫи, драматургӗ. 1885 ҫулхи юпа уйӑхӗн 13-мӗшӗнче Тӑхӑръял тӑрӑхӗнчи Пӳркел ялӗнче (Тутарстанӑн Пӑва районӗ) ҫуралнӑ. 1939 ҫулхи нарӑсӑн 18-мӗшӗнче Ҫӗпӗрте вилнӗ.

1939 ҫултанпа СССР ҪП-ӗнче тӑнӑ.

Пурнӑҫӗ

Ялти шкулта, Чӗмпӗрти чӑваш шкулӗнче (1899-1905) вӗреннӗ, Кӑнна Кушки шкулӗнче ӗҫленӗ. Социал-революционерсен (эсерсен) партине кӗрсе ҫӗрпе ирӗклӗхшӗн кӗрешекен хресчен пӗрлӗхне йӗркелеме тытӑннӑ. 1906 ҫулта ӑна шкултан кӑларса янӑ. Тӳре-шара йӗрлесех тӑнӑ пирки унӑн ӗҫ вырӑнне пӗрмай улӑштарма тивнӗ.

1913 ҫулта Мӗтри Юман экстерн йӗркипе гимназире экзамен тытса аттестат илнӗ, Мускав Университечӗн историпе филологи уйрӑмне вӗренме кӗнӗ. Ҫав вӑхӑтрах юриспруденцие вӗреннӗ, нимӗҫ, француз, грек, латин, тӗрӗк чӗлхисене ӑса илнӗ, акӑлчанла калаҫма хӑнӑхнӑ. Вӗренӳ ҫулӗсенче тӗрлӗ хаҫатсене ҫырма тӑнӑ. Анчах Пӗрремӗш тӗнче вӑрҫи пуҫланнипе университета вӗренсе пӗтерме май килмен: ӑна патша ҫарӗн поручикӗ туса хунӑ.

1921 ҫулта Чӑваш облаҫӗн ревкомӗ чӗннипе Д.П. Юман Шупашкара, Чӑваш автономиллӗ облаҫне, ӗҫлеме куҫса килнӗ.

Ӗҫӗсем

Вӑл «Чӑваш календарӗ», «Ӗмӗрне паллӑ ҫул» повеҫсене, «Укӑлчакасси» тата «Колхоз новеллисем» драмӑсене ҫырнӑ. 1996 ҫулта «Суйласа илнисем» кӗнеке тухнӑ. И. Максимов-Кошкинскийпе пӗрле «Ял» чӑваш кинолентти валли сценари ҫырнӑ.

Ҫавӑн пекех пӑхӑр



 
Категорисем: Мӗтри Юман
 
Статья каҫми :: Пичет версиӗ

Admin тӳрлетнӗ, информацие 2010-02-10 19:57:05 вӑхӑтра улӑштарнӑ. 7073 хут пӑхнӑ.
Orphus

Баннерсем

Шутлавҫӑсем

 
Сайт пирки | Пулӑшу | Статистика
(c) 2005-2018 Chuvash.Org
Сайтри материалсене (ытти ҫӑлкуҫсенчен илнисемсӗр пуҫне) CreativeCommons Attribution-ShareAlike 3.0 лицензипе килӗшӳллӗн усӑ курма пулать. Сайтпа ҫыхӑннӑ ыйтусене кунта ярӑр: site(a)chuvash.org